董建华三藩市行宫曝光

董建华上周去华盛顿同老友小布殊见面。老董完晒官式活动后，乘机返去三藩市“行宫”，一于同董太玩二人世界，到25日（周四）才返港上班。

据最新一期一周刊报道，三藩市系老董第二个家，呢个行宫好豪，坐落市中心贵价区，豪宅名为Bridgeway Plaza，市值百五万美金，楼高三层有成二千二百五十尺，推窗望正Bay Area无敌海景，又近渔人码头同Union Square。

老董夫妇对旧金山一直好有感情，当年老董东方海外三藩市office返工，三个仔女都当地出世。所以一直keep住间屋得闲就返住。

据旧金山二五仔透露，老董夫妇平日生活都好简单，最爱去唐人街小菜馆“岭南小馆”食饭，呢度唔算贵，包间房都系四百美金左右。

两人最钟意食就系豉油鸡同烧蟹，听闻董太就算唔得闲去，都会叫工人打包返屋企食。

自从老董做特首后，唯一唔同系就算董太帮衬去惯去熟“美孚”发廊，都有保镳陪出陪入。